Haaye..

Haaye, Haaye

 

Kya Likha FATEMA SUGHRA (SA) Ne Bataya Na Gaya.....2

SHEH (ASWS)  Se Khat Laasha E AKBAR (ASWS) Pe Sunaya Na Gaya.....2

Kya Likha..

 

SHEH (ASWS) Ne Chaha To Bohot Zakhm Magar Itne The.....2

Laasha ABBAS (ASWS) Ka Dariya Se Uthaya Na Gaya

 

Jab Talak Aa Na Gaye Saare Sharabi Tab Tak.....2

SANIYE ZAHRA (SA) Ko Darbaar Mein Laaya Na Gaya

 

Dekha Sairaab Zabihe Ko To Bole SAJJAD(ASWS) .....2

Mere Baba Ko To Pani Bhi Pilaya Na Gaya

 

Ek SHABBIR (ASWS) Ki BETI (SA) Ke Siwa Duniya Mein.....2

Kisi Masooma Ko Naaqe Se Giraya Na Gaya

 

 Bheedh Is Darja Thi Haste Hue Logo Ki Waha.....2

Haye Sar Bhi Bazaar Mein AABID (ASWS) Se Uthaya Na Gaya

 

Baap Ka Sar Jo Mila Soyi Lipat Kar Aise.....2

Maa Se Bhi Baali SAKINA (SA) Ko Jagaya Na Gaya

 

Mir Sajjad Shahe Dee'n Se ALI ASGHAR (ASWS) Ka.....2

Chehra Jalti Hui Reti Se Chupaya Na Gaya

 

Kya Likha....