Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

Ye Darde Karbobala.....2.....Do Jahaa(n) Pe Chaaya Hai

Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

Jo Pohche Hazrate Adam Dayaare Karbobala

To Khaai Raah Mein Thokar Badan Se Khoon Baha

Sabab KHUDA(SWT) Se Jo Poocha To Ye Jawaab Mila

Ghame HUSAIN (AS) Mein Taahir Lahoo Bahaya Gaya

Baha Jo Khoo(n) Usey.....2..... SHABBIR(AS) Se Milaate Hain

Shareek E Karbobala Ham Tumhein Banaate Hain

 

Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

Huwa KHALEEL E  KHUDA(AS) Ka Guzar Jo Karbal Se

Ulaj Ke Gir Pada Rahwaar Sar Ke Bal Wo Gire

Khaleel Imam They Dekha Jo Khoon Riste Huwe 

To Rab Se Poocha Ke Sar Se Lahoo Baha Kaise

Kaha KHUDA(SWT) Ne.....2.....Yahaan SHEH(AS) Ka Khoon Behan Hai

Tumhare Khoon Ko Usmein Shareek Rehna Hai

 

Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

Kaleem E Haq Ko Bhi Karbal Mein Ek Khaar Chubha

Jo Nikla Khaar To Jaari Tha Khoon Ka Fawwara 

Sawaal RAB(SWT) Se Kiya To Unhein Jawaab Mila

Ghame HUSAIN (AS) Mein Ye Khoo(n) Bahaa Hai Ay Musa(a)

Jo Khoo(n) Ke Purse Pe.....2..... Pabandiyaa(n) Lagaata Hai

Wo Shaks Fatema ZEHRA(SA) Ka Dil Dukhaata Hai

 

Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

Karo Jo Jaan Bhi Qurbaa(n) Na Haq Ada Hoga

Fida Ho Baap Fida Maa(n) Na Haq Ada Hoga

Bata Raha Hai Ye Qur'aa(n) Na Haq Ada Hoga

Wo Hai HUSAIN(AS) Ka Ehsaa(n) Na Haq Ada Hoga

Ye Mai Nahi Ye Khuda.....2.....-e-Karim (SWT) Kehta Hai

Azim RAB (SWT) Isey Zibh-e-Azim Kehta Hai

 

Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

ALI(AS) Ka Jo Nahi(n) Naukar Wo Sarfaraz Nahi(n)

Jina Mein Jaaneka Uske Koi Jawaaz Nahi

Amal Abas Hai Jo Ishqe Shahe Hejaaz Nahi(n)

Agar Nahi Hai Wilayat To Phir Namaaz Nahi(n)

Wila Ke Waaste Nabiyon(a) Ne Apni Jaa(n) Di Hai

Wila Se Deen Ko ALLAH(SWT) Ne Amaa(n) Di Hai

 

Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

Sada Rulaengi Qurbaaniyan Bahattar Ki

Kabhi Bhi Bhool Na Paenge Pyaas ASGAR (AS) Ki

Wo Bekasi Thi Wo Tanhaaiyan Thi(n) SARWAR (AS) Ki

Akele Sheh(a) Ne Uthaai Thi Laash AKBAR (AS) Ki

Sabab Ye Kaafi Hai SARWAR (AS) Pe Khoo(n) Bahaane Ko

Batao SHAH(AS) Ki Mazloomiyat Zamaane Ko

 

Ghame HUSAIN (AS) Mei Nabiyo(n) Ne Khoo(n) Bahaya Hai.....3

 

Sitam Ne Khech Lii(n) Yun Baaliyaa(n) SAKINA(SA) Ki

Sunaai Deti Hai Ab Tak Fughaa(n) SAKINA(SA) Ki

Lahoo Rulaye Na Kyun Siskiyaa(n) SAKINA(SA) Ki 

Ke Qaid Khaane Mein Nikli Hai Jaa(n) SAKINA(SA) Ki

IMAM E  WAQT (ATFS) Ko Hamid Ye Gham Satate Hain

Tadap Tadap Ke Wo Aakho(n) Se Khoo(n) Bahaate Hain

 

Ghame HUSAIN (AS) Mei Nabiyo(n) Ne Khoo(n) Bahaya Hai.....3