Lyrics

Main Sakina Hun Sakina Hun Mai.....(2)

 

Jo Sukoon Paa Na Saki Aisi Hazina Hun Main,

Main Sakina Hun Sakina Hun Sakina Hun Mai

 

Main Sakina Hun Sakina Hun Mai.....(2)

 

Main Sunaati Hun Safar Ki Rudaad,

Jiska Har Lafz Hai Meri Faryaad,

Meri Ghurbat Ko Samajhna Log.....(2)

Dil Me Quwwat Ho To Sunna Logo

 

Main Sakina Hun Sakina Hun Mai.....(2)

 

Aag Khaimo Me Lagi Thi Jis Dam

Be Amaan Dasht Me The Ahle Haram

Zad Pe Barbaadi Ke Gulshan Tha Mera.....(2)

Us Ghadi Aag Me Daman Tha Mera

 

Main Sakina Hun Sakina Hun Mai.....(2)

 

Dil Tadapta Tha Magar Ro Na Saki

Baad Baba Ke Kabhi So Na Saki

Mujh Yateema Pe Sitam Ye Toote.....(2)

Chaale Pairon Me Pade Aur Phoote

 

Main Sakina Hun Sakina Hun Mai.....(2)

 

Ek Ek Aah Pe Durre Uth Te

Main  Jo Roti To Tamache Lagte

Zakhm Baba Ko Lage The Jitney.....(2)

Maine Khaaye Hai Tamache Utne

 

Main Sakina Hun Sakina Hun Mai.....(2)

 

Maa Phuphi Behnen  Bani Thin Qaidi

Mere Nanhe Se Gale Me Rassi

Dil Mera Aise Me Ghabrata Tha....(2)

Pair Uthaati Na Thi Uth Jaata Tha

 

Main Sakina Hun Sakina Hun Mai.....(2)

 

Wo Mera Bhai Wo Laaghar Qaidi

Dhoop Me Tapti Thi Jiski Bedi

Paani Raaho Me Jo Milta Tha Kabhi....(2)

Daud Kar Mai Use Thanda Karti

 

Main Sakina Hun Sakina Hun Mai.....(2)

 

Khatm Jis Waqt Huwa Mera Safar

Haaye Qismat Ne Diya Aisa Ghar

Jisme Sannata Tha Aur Wahshat Bhi......(2)

Usme Banni Thi Meri  Turbat Bhi

 

Main Sakina Hun Sakina Hun Mai.....(2)

 

Thi Nikalne Ki Nahi Koi Sabeel

Aisa Zindaan Mila Mujhko Faseel

Godh Me Qabr Mujhe Le Nahi Saki.....(2)

Maut Bhi Mujhko Sukoon De Na Saki

 

Main Sakina Hun Sakina Hun Mai.....(2)