Lyrics

Subhe Ashoor Baad E Azan, Karbala Kar Rahi Hai Fuga

Khaimon Mein Sirf Honga Dhua, Aaj Shaam Tak.....2

 

Ghat Jaiengi Yeh Umr E Rawan, Aaj Shaam Tak

Khaimon Mein Sirf Honga Dhua, Aaj Shaam Tak

 

Kaisi Saji Hai Bargahe Sher E Zuljalal, 

AKBAR (AS) Sa Naujawan Koi QASIM (AS) Sa Khush Jamal

ABBAS (AS) Sar Se Taba Kadam, Haidri Jalal

Dekhe Sue Khaiyam Kisi Ki Nahi Majal

Lekin Jiyenga Koi Kahan Aaj Shaam Tak

Khaimon Mein Sirf Honga Dhua, Aaj Shaam Tak.....2

 

Bacchon Mein Keh Rahi Hai SAKINA (SA) Khushi Khushi

Do Ek Paher Ki Baat Hai, Apni Yeh Tishnigi, 

Bhari Hai Lashkaron Pe Har Ek Fard E Hashmi

Qaiyam Rahe Khuda Mere Ammu Ki Zindagi

Hojaienge Watan Ko Rawan , Aaj Shaam Tak

Khaimon Mein Sirf Honga Dhua, Aaj Shaam Tak.....2

 

Rekhe Namaz Padh Ke Musalle Lapet Kar

Lo Ahle Shar Ke Saam Ne Jaa Pohuche Pur Jigar

Lagta Nahi Hai Zeest Ki Hai Aakhri Sahar,

Yeh Josh Yeh Kharosh Yeh Raunak To Hai Magar

Har Samt Hogi Aaho Fuga , Aaj Shaam Tak

Khaimon Mein Sirf Honga Dhua, Aaj Shaam Tak.....2

 

AKBAR (AS) Khade Hai Ulte Hue Apni Aastin

Din Dhal Raha Hai Chup Ne Lage Hai Rukhe Haseen

ZAINAB (SA) Ko Ho Chala Hai Aseeri Ka Ab Yaqeen

Lo Waqt E Asr Aa Gaya SHABBIR (AS) Bhi Nahi

Badlega Bar Bar Sama Aaj Shaam Tak

Khaimon Mein Sirf Honga Dhua, Aaj Shaam Tak.....2

 

Ashab O Aqarba Mein Na Baqi Koi Raha

Khaime Mein Aaie Rote Hue SHAHE KARBALA (AS)

Bosa Gale Pe Bhai Ke ZAINAB (SA) Ne Jub Liya

Bazu Bahan Ka Choom Ke SHABBIR (AS) Ne Kaha

Honge Yahan Rasan Ke Nishan , Aaj Shaam Tak

Khaimon Mein Sirf Honga Dhua, Aaj Shaam Tak.....2

 

Gash Mein Pade Hai AABID E BEEMAR (AS) Farsh Par

Teemar Dar Daud Rahe Hai Idhar Udhar

Khona Hai Kya Dabeer Kisi Ko Nahi Khabar

Aada Uthaenge Inhe Bistar Ghaseet Kar

Gardan Mein Hoga Tauk E  Garan Aaj Shaam Tak

Khaimon Mein Sirf Honga Dhua, Aaj Shaam Tak.....2