Lyrics

​

Sughra (S.a.) Ki Karbala Me Ye Tehreer Aai Hai

Furkat Ne Zindagi Meri Dubhar Banaai Hai

Attharva Baras Tha Uruje Shabbab Ka

Kyu Kar Kahu Sina Ali Akbar (A.s.) Ne Khaai Hai

 

Ro Ro Kar Kaha Sughra (S.a.) Ne Main Tanah Rehgai Akbar (A.s.)

 

Tanhayi Pe Sughra (S.a.) Ki Taras Khayiye Akbar (A.s.)……2

 

Kal Chord Gaye Naqshe Qadam Aap Jahaa Par

Rukhsaar Rakh Ke Roti Hu Mai Ab Bhi Wahaa Par

Jaise Mai Lipti Rehti Hu Oos Ek Nishaa Par

Waise He Aa Ke Mujh Se Lipat Jaiye Akbar (A.s)

Gar Ho Sake To Jald Chale Aayiye Akbar (A.s.)

 

Tanhayi Pe Sughra (S.a.) Ki Taras Khayiye Akbar (A.s.)……2

 

Jab Se Gaye Hain Aap Na Ye Dil Hai Behalta

Na Raat He Dhalti Hai Na Ye Din Hai Guzarta

Aa Jaiye Jaldi Ke Mera Dum Hai Nikalta

Marne Se Pahele Chahera Tou Dikhlaiye Akbar (A.s.)

Gar Ho Sake To Jald Chale Aayiye Akbar (A.s.)

 

Tanhayi Pe Sughra (S.a.) Ki Taras Khayiye Akbar (A.s.)……2

 

Mar Jaun To Tadfin Meri Kaun Karega

Yeh Sochiye Talqeen Meri Kaun Padhega

Mayyat Uthaye Aage Meri Kaun Badhega

Ghairo Se Mera Laasha Na Uthwayiye Akbar (A.s)

Gar Ho Sake To Jald Chale Aayiye Akbar (A.s.)

 

Tanhayi Pe Sughra (S.a.) Ki Taras Khayiye Akbar (A.s.)……2

 

Main Likh Nahi Sakti Jo Zakham Maine Saha Hai,

Ye Dard E Judai To Bohot Had Se Siwa Hai,

Ghar Qabr Ke Maahol Me Ab Dhalne Laga Hai,

Aajaiye Ya Mujh Ko Hi Bulawiye Akbar (A.s.)

Gar Ho Sake To Jald Chale Aayiye Akbar (A.s.)

 

Tanhayi Pe Sughra (S.a.) Ki Taras Khayiye Akbar (A.s.)……2

 

Jo Tha "Shabih" Rasool Ki Jab Wo Nahi Raha

Hona Tha Juda Bhai Ko Khaalik Ki Thi "Raza"

Naize Ki Ani Khech Ke Shabbir (A.s.) Ne Kaha

Armaan Le Ke Sine Me Mar Jaiye Akbar (A.s.)

Gar Ho Sake To Jald Chale Aayiye Akbar (A.s.)

 

Tanhayi Pe Sughra (S.a.) Ki Taras Khayiye Akbar (A.s.)……2