Jub Karbala Ki Samt Badha, Haq Ka Rehnuma

Kutch Aa Gaya Khayal, Jo Maan Ke Mazar Ka

Aaya Soo E Baqi Who, ZEHRA (SA) Ka Ladla

Rukhsar Rakh Ke Sadr E Lahad, Par Yeh Di Sada

Chuthta Hai Ab Madina Mere, Dil Ko Tham Lo

Amma Gareeb Bete Ka Aakhir Salam Lo

 

Amma Tumhare Lal Se, Chuthta Hai Aaj Ghar

Amma Tumhare Lal Se, Bargashta Hai Nazar

Amma Tumhare Lal Ka, Dushman Hai Har Bashar

Amma Tumhare Lal Ka Hai, Aakhri Safar

Shehra Mein Dil Ke Tukdon Ki Basti Basaega

Amma HUSAIN (ASWS) Ab Na Madine Mein Aayenga

 

Maan Se Yeh Keh Raha Tha Abhi, Maan Ka Ladla

Aawaz Aaie Kabr Se, Aaye Mere Mailaka

Sadqe Teri Musibaton Gurbat Ki, FATEMA (SA)

Bus Aaye HUSAIN (ASWS) Bus Ke Hila, Arsh E Kibriya

Tadpe ABUL HASAN (ASWS) Dil E, Be Karar Se

Beta RASOOL E HAQ (SAWW) Nikal Aaye, Mazar Se

 

Aaye Mere Lal Tere Iradon Ki Mai, Nisar

Yeh Aakhri Safar Hai Mere Dil Ka, Isterar

Kaise Kahun Jo Dil Pe Guzar Ti Hai, Gulazar

Hota Hai Be Chirag Mere, Baap Ka Mazar

Jo Tujhpe Zulm Honge Yeh Dukhiya Uthaiengi

Beta Yeh Gam Naseeb Tere Sath Jaiyengi

 

Aanson Bahungi ,Tere Ranj O Alam Ke Sath

Aankhen Bichaungi, Tere Naqshe Kadam Ke Sath

ZEHRA (SA) Nidhal Hongi, Har Ek Taza Gam Ke Sath

Mera Kaleja Niklega, AKBAR (ASWS) Ke Dam Ke Sath

Ghabra Na Mere Lal Har Ek Dukh Bataungi

Main Tere Sath Lashae AKBAR (ASWS) Uthaungi

 

Jaienga Jo Tu Naher Pe, Bhai Ki Lash Par

Mai Tere Sath Sath, Chalungi Barehna Sar

Beta HUSAIN (ASWS) Kya Tujhe, Iski Nahi Khabar

ABBAS (ASWS) Tera Bhai, To Mera Dil O Jigar

Tu Lash Laienga To Safey, Gam Bichaungi

Mai Godh Mein Kate Hue Hathon Ko Laungi

 

Beta HASAN (ASWS) Ke Lal Ki Khatir Yeh Kya Malal

Mere HASAN(ASWS)  Ne Tujhpe Nichawar Kiya Woh Lal

Fidye Ke Waaste Koi Karta Hai Yun  Mala

Beta Main Us Ghadi Bhi Rahungi Shariq E Haal

Gam Hai Kadam Utha Ke Dil E Pash Pash  Ke

Tukde Chunungi Ran Mein Mai QASIM (ASWS) Ki Lash Ke

 

Han Mere Ladle Meri ZAINAB (SA) Se Hoshiyar

Beparda Ho Na Jaaie Kahin Meri Parda Dar

Mehmil Ke Sath Sath Ho ABBAS (ASWS) Zee Wikar

Takeed Ho Yeh AKBAR (ASWS) Mehru Ko Bar Bar

Aamada Har Kadam Pe Rahe Peshwai Ko

Takleef Ho Na Rah Mein ZEHRA (SA) Ki Jai Ko

 

Jaa Markad E RASOOL (SAWW) Pe Aaie Mere Lal Afam

Lazim Hai Nana Jan Ko Bhi Aakhri Salam

Dena Meri Taraf Se Yeh Hasrat Bhara Payam

Mumkin Nahi Madine Ne Mein ZEHRA (SA) Kare Kayam

Tum Bhi Lahu Mein Apna Cham Dekne Chalo

ZAINAB (SA) Ke Bazuon Mein Rasan Dekhne Chalo…..2