Lyrics

​

Haye SAKINA (SA),Haye SAKINA (SA),Haye SAKINA (SA),Haye Haye SAKINA (SA).....2

Haye SAKINA (SA),Haye Haye SAKINA

 

Mujh Ko Is Shehr E Khamoshan Se Bacha Lo Baba.....2

Apni Godi Mein SAKINA (SA) Ko Utha Lo Baba

 

Mujh Ko Is Shehr E Khamoshan Se Bacha Lo Baba.....2

 

Qabr Ki Tarha Se Tareeq Hai Baba Zindan

Hath Ko Hath Sujhayee Nahi Deta Hai Yahan.....2

Is Andhere Se Mujhe Aa Ke Nikalo Baba

 

Mujh Ko Is Shehr E Khamoshan Se Bacha Lo Baba.....2

 

Kiyon Ye Lagta Hai Na Ab Laut Ke Ghar Jaongi 

Kiyon Ye Lagta Hai Ke Zindan Hi Mein Mar Jaongi.....2

Meri Ukhdi Huwi Sanson Ko Sambha Lo Baba

 

Mujh Ko Is Shehr E Khamoshan Se Bacha Lo Baba.....2

 

Maan Phuphi Bhai Jhukaye Huwe Sar Baithe Hain 

Gham Se Be Haal Hain Sab Meri Kahan Sunte Hain.....2

Kab Se Roothi Huwi Baithi Hoon Mana-Lo Baba

 

Mujh Ko Is Shehr E Khamoshan Se Bacha Lo Baba.....2

 

Mein Kahan Kehti Hoon AMMU (AS) Se Mila Do Mujh Ko 

Kab Ye Zidd Hai Ke Meri Baliyan La Do Mujh Ko.....2

Apne Seene Pe Bas Ek Baar Sula-Lo Baba

 

Mujh Ko Is Shehr E Khamoshan Se Bacha Lo Baba.....2

 

Jab Se Bichhdi Hoon Mujhe Chain Nahi Hai Ab Tak

Ye Bhi Ma'aloom Nahi Door Rahongi Kab Tak.....2

Khud Nahi Aate To Mujh Ko Hi Bula-Lo Baba

 

Mujh Ko Is Shehr E Khamoshan Se Bacha Lo Baba.....2

 

Bhool Hi Jaongi Jo Naale Kiye Hain Mein Ne

Bhool Jaongi Sitam Jitney  Sahe Hain Mein Ne.....2

Sirf Ek Baar Kaleje Se Laga-Lo Baba

 

Mujh Ko Is Shehr E Khamoshan Se Bacha Lo Baba.....2

 

Yaad Karti Thi Judayee Ki Who Raten Dukhiya 

Karti Rehti Thi Faseel Aah Ye Baten Dukhiya.....2

Kuch Suno Meri To Kuch Apni Suna-Lo Baba

Mujh Ko Is Shehr E Khamoshan Se Bacha Lo Baba.....2