Lyrics

​

Tayyar To Ho Lene Do Aafat Ki Ye Shab Hai .....(2)

Ham Se Shahe Mazloom (as) Ki Rukhsat Ki Ye Shab Hai

Aakhri Raat Hai Mooh Aashkon Se Dho Lene Do

Aaj Shabbir (as) Pe Dil Khol Ke Ro Lene Do .....(2)

Aakhri Raat Hai.....

Aaj Shabbir Pe Dil Khol Ke Rolene Do .....(2)

 

Bhar Gaya Khon E Jigar Aankhon Ke Paimanon Mein .....(2)

Zabt Ki Taab Nahi Shah Ke Deewanon Mein

Shamma Ek Raat Ki Mehmaan Hai Parwanon Mein

Hai Fazaye Shabe Aashur Aaza Khanon Mein

Aakhri Raat Hai.....

Aaj Shabbir Pe Dil Khol Ke Rolene Do .....(2)

 

Itna Piten Ke Ho Ye Qalb E Shikasta Raazi .....(2)

Itna Royen Ke Hon Zainab (sa) Ki Tamanna Raazi

Itna Ham Tadpen Ke Hon Sayyade Bat'ha (as) Raazi

Itna Royen Gham E Sheh Mein Ke Ho Zahra(sa) Raazi

Aakhri Raat Hai.....

Aaj Shabbir Pe Dil Khol.ke Rolene Do ........(2)

 

Aaj Dil Gham Se Tapa Hai Hamen Roko Na Koi .....(2)

Khon Aankhon Se Rawan Hai Hamen Roko Na Koi

Aalam E Aah O Fughan Hai Hamen Roko Na Koi

Aamad E Subhe Khizan Hai Hamen Roko Na Koi

Aakhri Raat Hai.....

Aaj Shabbir Pe Dil Khol Ke Rolene Do .....(2)

 

Rehne Do Ranj Buka Kalb Safak Hone Tak .....(2)

Rehne Do Farsh Aza Khane Ka Tar Hone Tak

Dil Nahi Sambhle Ga Sad Para Jigar Hone Tak

Ham Ko Ji Bhar Ke Tadapne Do Sehar Hone Tak

Aakhri Raat Hai.....

Aaj Shabbir Pe Dil Khol Ke Rolene Do ........(2)

 

Us Pe Rone Do Hua Zibha Jo Be Jurm Khata .....(2)

Us Pe Rone Do Jo Masoom Bhi Mazloom Bhi Tha

Us Pe Rone Do Kabhi Jis Ka Janaza Na Utha

Us Pe Rone Do Jise Roti Hain Ab Tak Zahra (sa)

Aakhri Raat Hai......

Aaj Shabbir Pe Dil Khol Ke Roiene Do ........(2)

 

Us Pe Rone Do Jise Rona Saki Us Ki Behan .....(2)

Us Pe Rone Do Jise Mil Na Saka Gusl O Kafan

Us Pe Rone Do Mayassar Na Tha Jis Ko Madfan

Us Pe Rone Do Jise Kehte Hain Garibul Watan

Aakhri Raat Hai.....

Aaj Shabbir Pe Dil Khol Ke Rolene Do ........(2)

 

Us Pe Rone Do Rulaya Gaya Jis Ko Din Bhar .....(2)

Us Pe Rone Do Jo Piyasa Raha Aththara Pahar

Us Pe Rone Do Bohat Zakhm Tha Jis Ke Dil Par

Us Pe Rone Do Falak Roya Jise Shaam O Sehar

Aakhri Raat Hai.....

Aaj Shabbir Ko Dil Khol Ke Rolene Do ........(2)

 

Jis Ki Ghurbat Ki Koi Had Thi Na Zakhmon Ka Shumar .....(2)

Jis Ke Ek Sar Ke Liye Teghen Thin Chalis Hazaar

Jis Ka Yawartha Koi Ran Mein Na Koi Gham Khawar

Us Pe Rone Do Jo Hai Sayyad E Mehroom E Mazar

Aakhri Raat Hai.....

Aaj Shabbir Ko Dil Khol Ke Rolene Do ........(2)

 

Jis Ke Akbar (as) Ke Kaleje Mein Sina Todi Gayee .....(2)

Jis Ke Asghar (as) Ke Liye Ran Mein Kaman Jodi Gayee

Jis Ka Ghar Phoonkne Ko Fauje Sitam Modi Gayee

Jis Ke Namoos Ki Chadar Bhi Nahi Chhodi Gayee

Aakhri Raat Hai.....

Aaj Shabbir Pe Dil Khol Ke Rolene Do ........(2)

 

Uthne Wali Hai Koi Der Mein Ye Majlis E Gham .....(2)

Sune Honge Ye Azaakhane Badhenge Ye Alam

Saal Bhar Baad Kahin Payenge Shabbir (as) Ko Ham

Aao Manzoor Karen Aaj Seher Tak Matam

Aakhri Raat Hai.....

Aaj Shabbir Pe Dil Khol Ke Ro Lene Do.

 

Aakhri Raat Hai.....(3)

Aakhri Raat Hai Mooh Aashkon Se Dho Lene Do .....(2)

Aaj Shabbir (as) Pe Dil Khol Ke Ro Lene Do .....(4)