Lyrics

​

AKBAR (AS) Huwe Shaheed Ajab Gham Ka Tha Saman

Khaime Ke Dar Pe Sar Ko Rakhe Ro Rahi Thi Maan

Marqad Se Haaye Kehte Huwe Nikle MuUSTAFA(SAWW)

Kis Ne Mere Kaleje Pe Naiza Laga Dia 

Naiza Laga Diya.....

 

Marqad Se Haye Kehte Huwe Nikle Mustafa

Kis Ne Mere Kaleje Mein Naiza Laga Diya

 

Ghar Mere Noor E Ain Ka Kis Ne Kia Tabah.....2

Us Ko Mo'af   Mein  Na  Karonga Khuda Gawah......2

Razi Na Ho Ga Us Se Kabhi  Bhi  Mera  Khuda

Kis Ne Mere Kaleje Pe Naiza Laga Diya.....

 

Dekho Zara HUSAIN (AS) E Jigar Pash Pash Ko....2

Ran Mein Talash Karta Hai AKBAR (AS)  Ki Laash Ko.....2

Kis Ne Jahan HUSAIN (AS) Ka Be Noor Kar Diya 

Kis Ne Mere Kaleje Pe Naiza Laga Diya....

 

Roti Hai Meri Aal Musibat Ye Dhhayee Hai.....2

Tasweer Meri Khak Mein Kis Ne Milayee Hai.....2

Tum Ko Mera Khayal Bhi Aaya Nahi Zara 

Kis Ne Mere Kaleje Pe Naiza Laga DiyA.....

 

Tum Mujh Se Kis Qadar Ho Wafadar Ummati.....2

AKBAR (AS) Ko Meri Shakl Isi Waaste Mili....2

Tum Kalma Go Nahi Ho Mere Raaz Khul Gaya

Kis Ne Mere Kaleje Pe Naiza Laga Diya.....

 

Kiyon Kar Na Sar Pe Khaak Udaon Karon Mein Bain.....2

AKBAR (AS) Ke Khoon Mein Dooba Hua Hai Mera HUSAIN (AS).....2

Pursaan E Haal Koi Nahi Wa Musibata

Kis Ne Mere Kaleje Pe Naiza Laga Diya.....

 

Kohraam Tha Fazaon Mein Ek Shor O Shain Se.....2

AKBAR (AS) Ki Laash Uth'ti Nahi Thi HUSAIN (AS) Se.....2

Ran Mein Faseel Kehti Rahi Rooh E MUSTAFA (SAWW) 

Kis Ne Mere Kaleje Pe Naiza Laga Diya….