Haye

 

Gir Kar Kabhi Uthe Kabhi Rakha Zameen Pe Sar

Ugla Lahu Kabhi  To Sambhala Kabhi Jigar

Hasrat Se Ki Khayam Ke Janib Kabhi Nazar

Karwat Kabhi Tadap Ke Idhar Li Kabhi Udhar

 

Uth Te The Jub.....2..... Zakhm Se Barchi Ke Phal Gire

Teer Aur Tan Me Gad Gaie Jub Mooh Ke Bal Gire

 

Jungle Se Aaie Fatema ZEHRA (SA) Ki Yeh Sada

Ummat Ne Mujh Ko Loot Liya Wa Mohammada

Is Waqt Kaun Haq E Rifakat Kare Ata

ZAINAB Se Boli Fatema ZEHRA (SA) Basad Buqa

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par

 

ZAINAB (SA) Nikal HUSAIN (ASWS) Tadap Ta Hai Khaak Par

Kis Chah Se Pala Ise Aanchal Mein Chupa Kar

Mai Jaag Ti Rehti Ishe Raton Ko Sula Kar

Chakki Bhi Jo Peesi Hai To Godi Mein Bitha Kar

Kis Haal Mein Dekha Hai Ishe Dasht Me Aa Kar

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par

 

Hai Kaun Jo Mazloom Ko Teeron Se Bachae

Seh Roz Ke Pyase Ko Koi Pani Pilaye

Zakhmon Mein Bhari Khaak Koi Aa Ke Chudae

Har Laash Uthie Hai Ishe Kaun Uthaie

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par

 

ABBAS (ASWS) Ke Marne Se Kamar Toot Chuki Hai

Akbar Ke Bichad Jaane Se Beenaie Gai Hai

In Aankhon Me Besheer Ki Turbat Bhi Bani Hai

Hai Aakhri Lamha Ajal Sar Pe Khadi Hai

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par

 

Kutch Der Me Khanjar Mere Bacche Pe Chalenga

Afsos Dam E Ziba Bhi Paani Na Milenga

Khanjar Ki Kai Zarbon Se Sar Us Ka Katenga

Gayyur Hai Beta Mera Hargiz Na Kahenga

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par

 

Baaki Hai Abhi Jaan Tera Bhai Hai Zinda

Ghode Kahin Dauda Na De Be Dard Hai aada (la)

Haye Haye Koi Bekas Ko Nahi Pooch Ne Wala

Bhai Se Mohabbat Hai To Makhtal Mein Chali Aa

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par

 

Yeh Bain Main Sunti Hun Tere Baba ALI (ASWS) Se

Ho Jaienge Paamal Abhi Lashe Subhi Ke

Kutch Marhale Baaki Hai Garibul Watani Ki

Jaa Haal Zara Dekhle Is Pyase Akhi Ke

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par

 

Aajiz Hai Yahan Khaak Par Har Ek Sukhan War

Farhan Annis E Shahe Wala Ke Mazhar

Likhta Nahi Aaj Talak Koi Woh Manzar

Jub Keh Ti Thi ZAINAB (SA) Se Meri Bibi Tadap Kar

 

Unnees Sao Hai Zakhm Tane Chak Chak Par, ZAINAB (SA) Nikal HUSAIN (ASWS) Tadapta Hai Khaak Par