Aae Azadaron Sune Aae Nao Nehalo Suno Aae Pusadaron Suno

HUSSAIN (ASWS) Ya HUSSAIN (ASWS) Ya HUSSAIN (ASWS) Ya HUSSAIN (ASWS).....2

 

Kuch Log Deene Haq Ko Bachane Ke Waaste 

Beghar Hue Kuch Aaise Har Ghar Me Aa Gaye

Ghar Azakhana Ban Gaya Ghar Azakhana Ban Aya

 

 

Ghar Me ZEHRA (SAWS) Ke Jab Qadam Aae

SHAHE YASRAB (ASWS) SHAHE UMMAM (ASWS) Aae

Pursa Lene Ko Aa Gaye HAIDER (ASWS) 

Unke Bacchon Ke Jab Alam Aae

Farsh Majlis Ka Jab Bichaya Gaya

Dil Ne Be Sakta Kia Nauha

 

Ye Azakhana E HUSSAIN (ASWS) Hai.....4

 

Dil Me Shohrat Hunar Wafadari

Zeenat E Ishq Ki Hai Tayyari

Ahle Matam Ki Bus Ye Khawish Hai

Khana E Haq Me Ho Azadari

Nazre MAULA (ASWS) Ka Ehtemaam Bhi Ho

Hamiyane  KHUDA (SWT) Kare Nauha

 

Ye Azakhana E HUSSAIN (ASWS) Hai.....4

 

Ek Alam Bawafa Ka Sajta Hai

Is Alam Se KHUDA(SWT) Ka Saya Hai

Ho Ke Bebas Wo Sakhi Ab Tak

Sari Duniya Ki Jhooli Bharta Hai

Aur Duniya Ko Ye Batata Hai

Mujh Se Milna Ho To Yahi Aana

 

Ye Azakhana E HUSSAIN (ASWS) Hai.....4

 

Khali Godiyon Wali Maa Bhehne

Woh Jo Aulaad Ko Tarasti Hai

Unko Aulaad Bhi Ata Hongi 

Aakar Mannat Agar Yaha Mane

Ek Jhoola Yaha Hai ASGHAR (ASWS)

Woh Ata Kar Ke Ye Bata Denga

 

Ye Azakhana E HUSSAIN (ASWS) Hai.....4

 

Shab Ki Tanhayi Me Suno Akhsar

Ek BIBI (SAWS) Yaha Hai Nuhagar

Apne Bete Ka Pursa Lene Ko

Khud Baqaiyya Se Aai Hai Madar

Rone Walon Se Roke Khehti Hain

Isko Aabad He Sada Rakhna

 

Ye Azakhana E HUSSAIN (ASWS) Hai.....4

 

Qaid Khane Me Pheli Majlis Ka

Aao Ehwaal Sune Ahle Aza

Marsiya Khwaan Hain Bibiyan Sari

Zakira Un Me SANI E ZEHRA (SAWS) 

Matami Qaidiyon Ke Halke Me

Nauha Padhte The Roke ZAINUL EBA (ASWS)

 

Ye Azakhana E HUSSAIN (ASWS) Hai.....4

 

Hai Ghame Karbala Mere Dil Me 

Hai Ghame Be Rida Mere Dil Me

Zakhm ZAINUL EBA (ASWS) Mere Dil Me

Dard E MUSHKIL KUSHA (ASWS) Mere Dil Me

Qabre SHAHE HUDA (ASWS) Mere Dil Me

Aur Mere Dil Ko Bhi Khahe Duniya

 

Ye Azakhana E HUSSAIN (ASWS) Hai.....4

 

Boohat Mushkil Hai Ye KHUDA (SWT) Ki Qasam

Kya Likhe Mazhar Abadi Ka Kalam

Maa Ki Agosh Me Suna Nauha 

Maa Ki Agosh Me Kia Matam

Aur Irfan Jab Alam Dekhe

Maine Rote Hue Padha Nauha

 

Ye Azakhana E HUSSAIN (ASWS) Hai.....4